Наурызнама онкүндігі аясында 16 наурыз – Мәдениет және ұлттық салт-дәстүр күніне орай мектебімізде оқушылардың ұлттық қолөнер бұйымдарынан көрме ұйымдастырылды.
Көрмеде оқушылардың шебер қолынан шыққан түрлі қолөнер туындылары – ұлттық нақыштағы бұйымдар, ою-өрнектермен безендірілген жұмыстар, сәндік-қолданбалы өнер үлгілері көпшілік назарына ұсынылды. Әрбір туындыдан халқымыздың бай мәдениеті мен ұлттық болмысы көрініс тапты.
Аталған көрменің мақсаты – оқушылардың шығармашылық қабілеттерін дамыту, ұлттық қолөнерге деген қызығушылықтарын арттыру және халқымыздың салт-дәстүрі мен мәдени мұрасын дәріптеу.