«Атырау облысы Білім беру басқармасының
Атырау қаласы білім бөлімінің
«№3 мектеп-гимназия» КММ

1 қыркүйек – Білім күні мерекесіне орай мектебімізде жаңа 2026–2027 оқу жылының басталуына арналған салтанатты жиын өтті.

 

Салтанатты шара Қазақстан Республикасының Мемлекеттік Әнұранымен басталып, еліміздің басты құжаты – Конституцияның қоғам өміріндегі маңызына арналды. Жиын барысында Конституцияда бекітілген адам құқықтары мен бостандықтары, азаматтық жауапкершілік, білімді әрі саналы ұрпақ тәрбиелеудің маңызы туралы айтылды.

«Адал азамат, зерделі ұлт және жауапты қоғам» қағидаттары – жас ұрпақты білімге, отансүйгіштікке, адалдыққа және ел болашағына жауапкершілікпен қарауға тәрбиелеудің маңызды негізі.

Әсіресе, мектеп табалдырығын алғаш аттаған 1-сынып оқушылары үшін бұл күн ерекше толқыныс пен қуанышқа толы болды. Балғын бүлдіршіндерге ұстаздар ақ тілектерін білдіріп, жаңа оқу жылында биік белестерден көрінуіне тілектестік білдірді.

Жиын барысында ұстаздар қауымына шығармашылық табыс, ал оқушыларға сапалы білім, жарқын жетістіктер және жаңа оқу жылында толағай табыс тілектер айтылды.

Жаңа оқу жылы білімге, ізденіске, жаңашылдыққа және үлкен жетістіктерге толы болсын!

Баршаңызды Білім күнімен құттықтаймыз!

Білімді ұрпақ – елдің жарқын болашағы!

 

Бүгін, 21 қыркүйек күні, мектебімізде 2–8 сынып оқушылары арасында «Зерде» зерттеу жобалары мен шығармашылық жұмыстарының мектепішілік конкурсы өтті.

Конкурсқа 14 оқушы қатысып, өздерінің ғылыми-зерттеу жобалары мен шығармашылық жұмыстарын таныстырды. Оқушылар өз ізденістерін, тың идеяларын және білімге деген қызығушылықтарын жоғары деңгейде көрсете білді.

Нәтижесінде үздік деп танылған 8 оқушының жұмысы қалалық кезеңге жолданды!

Қатысушы оқушыларға белсенділіктері мен ізденістері үшін алғыс айтамыз! Қалалық кезеңге жолдама алған оқушыларға сәттілік, толағай табыс және жеңіс тілейміз!

Ізденіс бар жерде – жаңалық бар!

Шығармашылық бар жерде – жетістік бар!

Іс-шараның негізгі мақсаты – жасөспірімдер арасында никотин өнімдері мен темекінің адам денсаулығына зияны туралы түсінік қалыптастыру, салауатты өмір салтын насихаттау және зиянды әдеттердің алдын алу.

Оқушылар тақырып бойынша диктант жазып, өз білімдерін пысықтады.

Салауатты өмір салты – жарқын болашақтың кепілі!

«Таланттарды анықтау және қолдау орталығы» 2026–2027 оқу жылында Атырау облысы мектеп оқушылары арасында КІТАП ОҚУ САЙЫСЫН өткізеді!

Сайыс:

7–8 сыныптар

9–10 сыныптар арасында бөлек өткізіледі.

Оқу жылында 4 кезең:

• қыркүйек–қазан

• қараша–желтоқсан

• қаңтар–ақпан

• наурыз–мамыр

Оқушылар ұсынылған шығармаларды оқып, кезең соңында жеке тестілеуге қатысады. Топтық сайыс болмайды.

Ең жоғары ұпай жинаған алғашқы 35 оқушы ақшалай сыйлықпен марапатталады!

1-орын – 120 000 тг

2-орын – 100 000 тг

3-орын – 80 000 тг

4-орын – 50 000 тг

5-орын – 25 000 тг

20 оқушы – 5 000 тг сертификат

Жүлделер 7–8 және 9–10 сыныптар бойынша бөлек беріледі!

Оқылатын шығармалар тізімі бір апта бұрын беріледі.

Кітап оқы – біліміңді сына – жүлдеге ие бол!

Мүмкін, келесі жеңімпаз – СЕН!